Landskap og gardsdrift gjennom tidane

Myrdal er den einaste store fjellgarden på Tysnes. På 230 meters høgd kjem fleire elvar frå fjellet saman og har gjennom tidane vore med å forme landskapet. Deler av dalen ligg lavt i terrenget som former eit vått område kor av namnet myr-dal. Det finnes mange forskjellige jordtypar og ulike typar vekstar i dalen. Det finnes større områder med diverse skogtypar som gran-furu og bjørk men også bratte lier og fjell med mange forskjellige plantar og buskar. Den varierte naturen skaper eit godt grunnlag for godt beite og god mjølk.



Aust i dalen ligg Myrdalsvatnet, ein liten innsjø med rikt dyreliv og særs godt fiske av aure. Fiske er mogleg etter avtale. Vatnet forsyner ei av dei største elvane som herfrå renn ned til Bjørnefjorden. Dalen har eit ope landskap i midten der garden ligg. Garden er på 154 dekar dyrka jord og om lag 1500 dekar utmark. Alt i alt har Myrdal ei god samling i miniatyr av dei fleste typane vestlandsnatur.



I gamle dagar var det opp til fire gardar i Myrdal. Alle med forskjellig dyrehald frå sau til geit, kyr, hest og gris, som alle var med å pleie landskapet. Plassen var også viktig lokalsamfunnet i forbindelse med seterdrift og den gamle presta-sætra. Naturen har ikkje forandra seg så mykje, men i den moderne tida finnes det no bare ein gard i Myrdal.

Geitehald og andre dyr

Heilt sidan me kom frå Nederland i 2001 og overtok garden har me oppgradert driftsbygningar og bygget nytt fjøs og ysteri. Våre geiter held no til i eit moderne fjøs som er bygga med stor fokus på helse og dyrevelferd. Når dyra ikkje spring ute i naturen går dei fritt på eit godt lag med halm i ein stor tallebasert bås. Om vinteren fores dyra grovfor ved hjelp av ein mekanisert forutlegger.



Geitene mjølkast to gongar for dagen i ei eige mjølkestall med plass til 40 dyr. Mjølkinga tar om lag 40 min for 80 dyr. Per dags dato har me om lag 100 mjølkegeiter på garden pluss diverse ungdyr og kje. I tillegg har me diverse smådyr som høner, kanin, hundar og katt. I periodar har me også hatt mange hestar på garden, men no har me bare ein eldre pensjonert hest.

Gardsbutikk

På garden har me prøvd å kombinere norske og nederlandske tradisjonar frå jordbruk til osteproduksjon. Me har ei lita gardsbutikk som er open om sommaren med sjølvbetjening.

Produksjon

Mjølkeprodukta vert foredla i det nye og moderne ysteriet der alle råvarer vert foredla på tradisjonelt vis under dei strengaste hygieniske tilhøve. Alle produkt vert pasteuriserte og me blandar ikkje geit og kumjølk.



Sjølv om alt utstyret i ysteriet er laga av rustfritt stål og andre moderne materiale, blir osten fortsett laga for hand på den gamle måten. Ostane vert forma for hand og får pleie og merksemd som er naudsynt for å kunne garantere eit kvalitetsprodukt.

Sjølv om ostane er bassert på norske og nederlandske tradisjonar, brukar me våre eigne lenge utvikla oppskriftar som gjør produkta unik.